بلد مش لإلي

عبالي إكتب اليوم بالعربي، واحكي عن موضوع شوي بيزعجني، شوي كتير …تملك الاجانب عنا بلبنان.

 بلدنا صار مطرح لاسطياف السواح، مش عم قول إنو هيدا شي غلط، بالعكس، حلو إنو يكون عنا سياحة مهمة ولكن للأسف صار بلدنا مليان بيوت وفيلات للأجانب وبالأخص للخليجية يلي بيجوا بيشتروا أراضي وشقق بتضلّ مسكّرة على طول السنة ما عدا هالشهرين يلي بأضّوهن هون؛ لدرجة إنو صرنا حتّى عم نعمّر بنايات و نسعرّها بكتير غالي عأساس إنو هالسعودي رح يجي يشتري شقّة بمليون دولار ،وهيي أصلاً بتسوى ١٠٠٠٠٠ أو ٢٠٠٠٠٠ $ . سرقة علنا! 
اليوم هيدا الشاب اللبناني وهيدي الصبية اللبنانية مش قادرين يعيشوا ببلدن ، يستأجروا، يشتروا بيت …بلدنا بطّل لإلنا، صار لسوليدار، للسعودية وللمافيات يلّي عم تتحكم بكل شي! ليش ما دولتنا  بتمنع  تملك الأجانب، و بتشتغل على قانون كرمال العقارات و البيع، ليش مثلاً ما بتحدد رقم معين، ١٠٪ مثلاً ، فقط للأجانب.  نحنا عم نخسر بلدنا ، المواطن اللبناني عم ببيع أرضه للغريب، وإذا مش للغريب لمواطن لبناني ثاني بدو يبيعا للغريب، ويهاجر لأنو مش قادر يفتح بيت، يعمل عيلة، يشتري أرض، أو حتى شقة صغيرة!
صراحةً، مش عم بعرف كيف في بعد كم واحد قادر يقعد بشقة كبيرة ببيروت وحتى بضواحيها كافةً.
يعني لبنان صار بلد البرستيج، رح نخسره شوي شوي للسعودية، القطرية و بلاد الخليج.  هيدي بلا ما نحكي عن العمار العشواقي يلي عم يطلع وين ما كان…بطّل  في إلاّ السمسرة وبيع الأراضي إلي عم بطلع مصاري منيح الواحد من خلالها . فالمكاتب  العقارية عم بتفرّخ وين ما كان! لبنان بلد الباتون، بلد الفخفقة، لبنان عم نخسره فداء المصاري والمصالح الشخصية! عيب، وعلى أمل حداً يوعى ويقول لأ! لهيدا الواقع البشع يلّي عنجد كلما اتذكّره بعصّب ..فان شاء لله، حداً يشتغل على هيدي الكارثة ويحطّ حدّ لاستملاك الأجانب، العمار العشواقي والأسعار الخيالية يلّي عم بت خلينا نيأس ونفل ونلعن ساعة هالبلد وألي حاكمينوا !   

Advertisements

2 responses to “بلد مش لإلي

  1. Wow 100% true!
    أنا سرلي سنتين غايب عن لبنان و خائف لما إرجع بيتغير علي كثير.
    But you know whats one thing that will always bring me back to it, it’s the people living there! Lebanese people are different from any other people in this world! That’s why 2ageneb like to come to Lebanon and buy a land or apartment, because they know we are the best and they want some of it!
    Hopefully this summer I get a chance to go to Lebanon , and the first thing I’m going to do when I land from the plane is kiss the ground! :) hope to see you there this summer ;)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s